gréng Blogs

Eegebestëmmung fir Trans- an Intersexpersounen

Christian Kmiotek - 5 hours 20 min ago

vum Françoise Folmer a Christian Kmiotek

Den 8. Juli ass zu Esch erëm dat grousst a faarwegt Fest vun der LGBT -Bewegung, de GayMat. Et geet hei, wéi all Joer drëm fir d‘ Opmierksamkeet op d’ Situatioun vun de sexuelle Minoritéiten zu Lëtzebuerg ze riichten, dat ënner anerem mat engem Gläichheetsmarsch an enger grousser Party mëtten an der Minett-Stad.

Dëst Joer as awer e speziellt Joer fir en Deel vun de Membere vun dëser Bewegung, well Lëtzebuerg seng Gesetzgebung iwwer d’ Ännerung vum Geschlecht am Etat civil fir Trans- an Intersex-Persounen nei op de Leescht geholl huet. Et handelt sech hei em Persounen déi sech engem aneren Geschlecht zougehéiereg fillen wéi dem wat se bei der Gebuert zougesprach kruten, oder déi sech mat kengem vun deenen 2 Geschlechter identifizéieren kënnen.

De grénge Justizminister Felix Braz huet um internationalen Dag géint d‘ Homophobie an d‘ Transphobie säi Projet de loi virgestallt deen et de betraffene Persounen erlaabt, hiert eegent Schicksal selbstbestëmmt an d’Hand ze huelen. Sie kënnen sech domat iwwer eng einfach administrativ Prozedur offiziell als dee Mënsch unerkenne loossen, als den se sech fillen. Se brauchen sech net méi virun Dokteren oder engem Geriicht ze rechtfertegen, se musse keng intim Detailer méi op den Dësch leeën, an hir Démarche ginn net méi an der Ëffentlechkeet breet getrëppelt.

Dëst zukënftegt Gesetz betrëfft zu Lëtzebuerg eng geschaten 3.700 Persounen, dorënner vill Kanner, déi aktuell duerch hir Situatioun engem groussen Leidensdrock ausgesat sinn. Et ass fir dës Mënschen e riese Schrëtt no vir, well et sech géint Diskriminatioun an Harcèlement riicht, an doduerch och präventiv géint déi héich Suizidzuelen an hirer Gemeinschaft.

Et ass eng éischt wichteg Etapp fir d’ Unerkennung vun dëse Leit. Elo muss doropper opgebaut ginn, fir d’ Akzeptanz an der Gesellschaft fir sie an aner sexuell Minoritéiten ze förderen. Dofir muss vill informéiert ginn, an et musse Formatioune ginn fir d‘ Leit an de Schoulen a Verwaltungen déi am Alldag mat dëse Kanner an Erwuessenen ze dinn hunn.

Lëtzebuerg kënnt heimat enger Fuerderung vum Conseil de l’ Europe no, a gëtt sech eent vun de fortschrëttlechsten Gesetzer an deem Beräich. Doropper kënne mir houfreg sinn, a mir gréng wäerten eis och an Zukunft fir Diversitéit a Solidaritéit asetzen, fir d‘ Recht op Selbstbestëmmung a Respekt, a fir d’ Dignitéit vu jidderengem Eenzelen, och wann hien oder sie zu enger Minoritéit gehéiert.

Françoise Folmer a Christian Kmiotek


Catégories: gréng Blogs

Positive Nebenwirkungen

Christian Kmiotek - 31 May 2017

Die Welt ist nicht nur schwarz oder weiß und es gibt keine einfachen Lösungen für komplexe Probleme. Demnach sind nachhaltige Lösungen eher komplizierter Art, denn sie zielen darauf ab, alle Aspekte einer Problematik zu berücksichtigen. Nachhaltigkeit bezieht sich auf mehrere Ebenen wie Ökonomie, Ökologie und Gesellschaft und berücksichtigt mögliche Auswirkungen in anderen (Welt-)Regionen und in der Zukunft.

„Gerade in unserer kleinsten territorialen Einheit, der Gemeinde, können innovative Projekte dank engagierter Mandatsträger schnell  umgesetzt werden.“

Doch die Berücksichtigung aller Folgen und Langzeitwirkungen von politischen Entscheidungen oder Vorschlägen ist positiv, da das große Ganze im Blick bleibt. So greifen die verschiedenen Politikbereiche ineinander und stärken sich gegenseitig. Auch eine zukunftsorientierte Gemeindepolitik, jenseits von Populismus und ausgetretenen Pfaden, muss nachhaltig sein um in intelligenter Weise Schäden zu verhindern und Vorteile zu schaffen.

Eine Stadt, die konsequent die sanfte Mobilität fördert, reduziert Abgase und Lärm, entschleunigt das Leben der Bewohner und regt sie zu mehr körperlicher Aktivität an. Damit verbessert sie die Lebensqualität aller. Darüber hinaus bietet sie den Kindern einen sicheren Schulweg und erschließt den Jugendlichen mehr Autonomie.

⊗ Angesichts der angespannten Lage des Wohnungsmarkts mit stetig steigenden Preisen muss jede Gemeinde aktiv werden, um das Menschenrecht auf Wohnen zu erhalten. Die politisch Verantwortlichen müssen den Mut aufbringen, die Vielzahl an bestehenden gesetzlichen Instrumenten und Förderungen kommunal anzuwenden. Die Mobilisierung von leerstehenden Wohnungen und Baulücken birgt die Chance, bei weniger Landverbrauch außerorts, die Funktionen Wohnen, Arbeiten, Besorgungen, Freizeit und Mobilität wieder näher zusammenzuführen. Kommunaler Wohnungsbau ist übrigens auch ein Instrument der Sozialpolitik und er erhält lebendige Dörfer und Stadtkerne.

„Die Berücksichtigung aller Folgen und Langzeitwirkungen von politischen Entscheidungen oder Vorschlägen ist positiv, da das große Ganze im Blick bleibt.“

Wer in Schulkantinen und Maisons-Relais Bioprodukte aus der Region verarbeiten lässt, sorgt sich um die Gesundheit der Kinder. Aber er schützt auch die Natur, unterstützt die nationale Lebensmittelproduktion und die regionale Wirtschaft.

Wenn eine Gemeinde Naturschutz betreibt, betreibt sie vor allem Menschenschutz. Unter anderem weil sie unser Grundnahrungsmittel Wasser schont und Naherholungsgebiete als Wohlfühl- und Gesundheitsfaktor erhält. Naturschutz kann sogar als touristischer Trumpf ausgespielt werden und somit wiederum regionale Arbeitsplätze sichern.

Sogar der eher als abstrakt verschriene Klimaschutz führt zu äußerst stimulierenden und sichtbaren Ergebnissen vor Ort. Eine Gemeinde mit ambitionierten Klimazielen wird die energetische Sanierung ihrer Gebäude vorantreiben. Die Einspareffekte haben mittel- und langfristig positive Auswirkungen auf die Gemeindefinanzen. Und die Gemeinde unterstützt abermals die lokale Wirtschaft und den regionalen Arbeitsmarkt. Wenn dann zum Beispiel die Gemeinde noch selbst, beziehungsweise in Kooperation mit ihren Bürgerinnen und Bürgern und Betrieben, Heizenergie und Strom nachhaltig lokal produziert, dann werden die gemeinschaftlichen Gewinne gleich sichtbar, für die Prosumer wie für den Planeten.

Gerade in unserer kleinsten territorialen Einheit, der Gemeinde, können innovative Projekte dank engagierter Mandatsträger schnell  umgesetzt werden. Besonders positiv ist, wenn diese Initiativen durch eine intelligente Kombinierung in gleich mehreren Bereichen wirken.

(Erstveröffentlichung am 19.5.2017 im „Lëtzebuerger Land“)


Catégories: gréng Blogs

Ech sinn iwwerzeegt, datt gréng wierkt

Christian Kmiotek - 18 May 2017

Leschte Samschden hunn déi gréng hire Kaderprogramm fir d’Gemengewalen am Hierscht ugeholl, deen de Mënschen an de Gemengen Honnerte konkret Aktioune vu nohalteger, grénger Politik proposéiert.

Mir gréng sinn iwwerzeegt, datt mer an deene Gemenge wou mer déi lescht 6 Joer mat an der Verantwortung woren, an alle Beräicher Villes zum Bessere gedréint hunn. Mir sinn houfreg op déi innovativ Impulser di mer ginn hunn an op déi wichteg Projeten déi mer ëmgesat hunn. Esou hu mer d’ Liewensqualitéit vun alle Matbierger entscheedend verbessert. Mir hunn do wou mer an der Majoritéit waren bewisen, datt gréng wierkt.

An de Gemengeréit wou mer an der Oppositioun waren, waren déi gréng eng kritesch awer ëmmer konstruktiv Stëmm. Mir hunn d’ Zäit genotzt fir nohalteg Alternativen opzeweisen, speziell fir déi nächst 6 Joer.

Mir Gréng wëssen, datt et keng einfach Léisunge fir komplex Problemer ginn. Eis Propose sinn heiansdo e bësse méi komplizéiert, mee si berücksichtegen dofir awer all Aspekter. Dofir si mir iwwerzeegt, datt gréng wierkt.   Hei e puer Beispiller:

  • Wa mer als Gemeng am Klimaschutz aktiv sinn, huet dat positiv Repercussiounen op déi lokal Économie an op déi kommunal Finanzen. All Energie, déi mer net verbrauchen, all Energie, déi mer selwer nohalteg produzéieren ass e Gewënn, grad esou fir eis Communautéit wéi fir eise Planéit.
  • Eng Stad, eng Uertschaft mat méi doucer Mobilitéit, reduzéiert de Kaméidi an d’ Ofgasen, verbessert eis Liewensqualitéit, bréngt de Kanner e séchere Schoulwee an de Jugendleche méi Selbstännegkeet.
  • Wa mer an de Maisons-Relais Bioprodukter aus der Regioun förderen, dann ass dat gutt fir d’ Gesondheet vun de Kanner an entlaascht d’ Ëmwelt; et séchert Aarbechtsplazen an der nationaler Liewensmëttelproduktioun an et stäerkt déi regional Ekonomie.
  • Vill Gréngs an den Uertschafte a kommunale Naturschutz si virun allem Mënscheschutz. Mee eis Natur ass och eng Ressource an zum Beispill en Atout fir den Tourismus. An si ass e Wuelfill- a Gesondheetsfaktor fir jidderee vun eis.
  • D’ Gemeng vu muer muss och massiv a bezuelbar Wunnengen investéieren. Domat suergt si fir jonk an al Leit, fir Famille mat Kanner a fir Mënsche mat nidderegem Akommes. Domat schaaft si eng lieweg Gemeng. An eng intelligent geplangte kommunal Logementspolitik bréngt Wunne, Schaffe, Besuergunge, Fräizäit a Mobilitéit méi no beieneen.

Ech si jiddefalls iwwerzeegt, datt gréng wierkt.


Catégories: gréng Blogs

gréng wierkt ! Meng Kongressried fir d’Gemengewahlen

Christian Kmiotek - 15 May 2017

Léif gréng Kolleginnen a Kollegen,

Allgemeng gëtt ugeholl, datt een an der Oppositioun näischt ka bewierken. “Näischt” ass natierlech iwwerdriwwen. Et ass richteg, datt wann een eng Fundamental-Oppositioun mécht, datt een da kaum eppes Sënnvolles op d’ Rei kritt. Well da beschränkt een sech drop, egal wat d’ Majoritéit proposéiert, alles einfach nëmmen erofzemaachen an ze zerrieden. D’ Liewen ass nun awer mol net schwaarz-wäiss an d’ Politik och net.

Ech hunn elo 6 Joer Oppositioun am Jonglënster Gemengerot hanneru mer. Wann ech an de Sall kucken, da gesinn ech eng Partie Kolleginnen a Kollegen, déi wësse wéi laang a mat Momenter frustréierend déi Oppositiounsjore kënne sinn. Et waren awer ganz gutt Léierjore.

Mir gréng hunn zu Lënster eng kritesch awer konstruktiv Oppositioun bedriwwen. Mir hu gelueft – a matgestëmmt – wann de Schäfferot an eisen Aen eppes Sënnvolles op d’ Schinne gesat huet. Mir hunn eis Kritikpunkten duergeluecht an eis Alternativen erkläert, wann d’ Majoritéit mat net ausgeräiften Iddien an de Gemengerot koum. Heiansdo krute mer eis Virschléi mat agebaut. Oft goufen net nohalteg Initiative vun der Majoritéit duerchgeboxt. Awer net mat eis Grénge, wann déi Projeten méi Schied geworf hu wéi se Liicht bruecht hunn.

Ech weess, datt déi vun Iech, déi och an der Oppositioun waren, genee t ‘selwecht virgaange sinn. Mir haten dat grousst Ganzt am Bléck an net dat klengt polemescht Gepiddels, mir hunn de Ball gespillt an net d’ Fra oder de Mann. Ech sinn iwwerzeegt, datt eis Fachlechkeet an eis Sachlechkeet nach vill méi vun eis qualifizéiere wärte, fir nom 8. Oktober net op der Ersatzbänk nozekucken, mee aktiv de Match mat ze gestalten.

Léif Frënn,

Ech hunn elo extra vun der Oppositiounsaarbecht geschwat, well ech dës haart awer wichteg Aufgab an eiser Demokratie speziell wierdege wollt.

Wéi gesot, och an der Oppositioun bewege mir Gréng sou Munneches. Mee d’ Majoritéit gëtt engem natierlech ganz aner Méiglechkeete fir seng Iddien ëmzesetzen an d’ Politik zum Besseren ze dréinen. Dobäi muss ech awer betounen: An d’ Majoritéit kommen, an der Majoritéit bleiwen, dat ass fir eis kee Selbstzweck. Mir Gréng wëllen net an de Schäfferot eran oder am Schäfferot bleiwe, well dat eisen Ego befriddegt. Wann et den 8. Oktober owes an och an den Deeg dono zu Koalitiounsgespréicher mat eis Grénge kënnt, da sinn net d’ Poste wichteg, mee op éischter Plaz steet dann de Programm.

Haut leeë mer zesummen nach eng leschte Kéier Hand un eise Rahmenprogramm fir d’ Gemengewalen. Et bleift net méi ganz vill ze verännere, well mer jo an engem parteiinterne partizipative Prozess, dee ganz vill Zousproch hat, intensiv zesummen drop geschafft hunn.

Am Laf vun dësem Kongress gesi mer u konkrete Beispiller, wat fir eng sënnvoll Politiken, wellech zukunftsweisend Projeten, wéi eng mënschegerecht Initiativen ee grad an der Majoritéit duerchsetze kann. Dëst ass selbstverständlech nëmmen en Ausschnëtt, mir hu bewosst op Widderhuelunge verzicht a mir hunn och nach e puer Projeten am Bild dokumentéiert. Och an Ärem Numm riichten ech speziell e grousse Merci un d’ Gina Conter, de Paul Ruppert, de Stéphane Majerus an de Mike Mathias vir hire vollen Asaz fir de Walprogramm a fir dëse Kongress. De wichtegen Input vun all deenen aneren eenzel z’ ernimmen ass mer leider onméiglech.

Dee Walprogramm, dee mer herno ofstëmmen, ass de Kader an d’ Inspiratioun fir all gréng Lokalsektioun fir hire politeschen Agenda vun 2017 bis 2023. Jiddwer Lokalsektioun déclinéiert an de nächste Wochen op Basis vun de Realitéiten an hirer Gemeng déi national Virlag op de lokalen Terrain.

D’ Erausschaffe vun de lokale Prioritéiten ass eng super Geleeënheet, fir all déi Kandidatinnen a Kandidate mat anzebezéien, déi mat op d’ Lëscht ginn. An där gesinn ech der hei am Sall vill, ganz vill.

E spezielle Wëllkomm deenen “Neien” ënnert Iech, deene Fraen a Männer déi 2017 de wichtege Schratt gemeet hunn, net méi nëmme méi als Zuschauer d’ Politik ze suivéieren, mee sech elo aktiv fir Verännerunge fir d’ Mënschen an der Gemeng asetzen.

Léif gréng Kandidatin, léiwe grénge Kandidat,

All Respekt, dass Du Dech traus!

An Zäite vu Politikverdrossenheet, an Zäite wou déi politesch Auslands-Noriichten engem d’ Flemm andreiwen oder d’ Tréinen an d’ Aen oder béides mateneen, hues Du Dech décidéiert, Deng politesch Iwwerzeegung no baussen ze weisen.

Du hues Dech entscheet, Dech fir Deng Matmënschen anzesetzen, Du engagéiers Dech fir Deng kommunal Gemeinschaft. Du kucks net méi no, Du hëls d’ Saach zesumme mat Gläichgesënnten an d’ Hand. Du bass als Biergerin, als Bierger bereet Verantwortung z’ iwwerhuelen. Gutt esou! Well esou kanns Du eppes bewierken.

Duerch Däi politeschen Engagement verdéngs Du net nëmmen d’ Estime vun Denge Parteikollegen, mee virun allem de Respekt vun Denger ganzer Gemeng.

Léif Kandidatin, léiwe Kandidat,

Du hues dee richtege Choix getraff! Well déi Gréng bewegen eppes, a wat mer zu méi Grénger sinn, wat Gréng besser wierkt. Besonnesch an der Gemeng bass Du no bei de Leit, do ass Politik net wäit ewech an abstrakt, nee, ganz am Contraire, kommunal Politik wierkt direkt.

Iwweregens: ech weess och firwat s’ Du Dech engagéiers!

An Denger Gemeng ass et genee wéi a menger. Deng Lokalsektioun ass t’ selwecht motivéiert wéi meng.

De Peter huet net vill Zäit, mee hie geet mat, well een dat vun engem laangjärege Member esou erwaarde kann.

D’ Irène kandidéiert, fir d’ Iddien hannert der Lëscht z’ ënnerstëtzen.

De Manuel ass scho laang bei de jonke gréngen aktiv.

D’ France wielt zanter ëmmer gréng an traut sech elo säi Coming-Out ze maachen. De Leo engagéiert sech fir Ëmweltthemen a fir Mobilitéit.

D’ Anne wëll, datt seng Kanner gutt encadréiert sinn an hir Interessie an der Gemeng eescht geholl ginn.

An d’ Michèle wollt eigentlech net mat op d’ Lëscht, mee well hatt feststellt, datt hatt a seng Kolleginne mat hiren naturpädagogesche Projeten beim aktuelle Schäfferot op Granit bäissen, schafft hatt elo mat an eiser Équipe fir de politesche Wiessel.

Si all – an all déi aner Kandidatinnen a Kandidate uechter d’ Land – engagéiere sech, well jidder Eenzele vun eis iwwerzeegt ass, datt Gréng den Ënnerscheed mécht, well jidder Eenzele weess, datt eis gréng Rezepter wierken.

Kolleginnen a Kollegen,

Nieft dem Engagement fir d’ Allgemengheet fir deen dës Leit beispillhaft stinn an dee mir alleguer als gréng Militanten hunn, hu mir nach eppes gemeinsam. Et geet eis ëm d’ Saach, et geet eis ëm d’ Ëmsetzung vun eise gréngen Iddien um kommunalen Terrain. Well mir iwwerzeegt sinn, datt déi gréng Konzepter wierken. Basis ass eise Walprogramm. An dee steet op den 3 Pilieren vun der Nohaltegkeet: Ëmwelt, Économie a Soziales.

Mir Gréng wëssen, datt et keng einfach Léisunge fir komplex Problemer ginn. Eis Propose sinn heiansdo e bësse méi komplizéiert, mee si berücksichtegen dofir awer all Aspekter. Eis Virschléi fir d’ Gemenge si ganz kloer nohalteg. An doduerch wierken si och nohalteg.

Ech ginn Iech e puer konkret Beispiller déi weisen, datt eng gréng Politik anenaner gräift, komplementar wierkt an ëmmer dat grousst Ganzt am Bléck huet:

  • Eng Stad, eng Uertschaft mat méi doucer Mobilitéit, reduzéiert de Kaméidi an d’ Ofgasen, verbessert eis Liewensqualitéit, bréngt de Kanner e séchere Schoulwee an de Jugendleche méi Selbstännegkeet.
  • Wa mer an eise Gemengegebaier, op eisen Trottoiren a Kräizungen, an eise Parken an op eise Weeër Barrièren ofbauen an d’ Accessibilitéit erhéijen, da praktizéiere mer “Design for All”. Da bleift jiddereen, op ganz jonk oder ganz al, op blesséiert oder handicapéiert, Deel vun eiser Gemeinschaft. Da behält jiddereen seng Autonomie a seng sozial Kontakter.
  • Wa mer an de Maisons-Relais Bioprodukter aus der Regioun förderen, dann ass dat gutt fir d’ Gesondheet vun de Kanner an entlaascht d’ Ëmwelt; et séchert Aarbechtsplazen an der nationaler Liewensmëttelproduktioun an et stäerkt déi regional Ekonomie.
  • Eis Gemeng ka Virreider sinn. Éischtens emol an der Offallvermeidung. An awer och an der “Circular Economy”, am Tausch, am gemeinsame Notzen amplaz vum individuelle Kafen. Am matenee Produzéieren a Verbrauchen, am gemeinsame Wierken a Wunnen. An dëse neie Modeller vu Liewen an Zesummeliewen fannen och Mënsche beieneen, déi sech soss net begéine géifen. An d’ “Économie Solidaire” schaaft Aarbechtsplaze, Chancen a Perpektiven, och fir déi di et onendlech schwéier hunn an eiser Leeschtungsgesellschaft.

Eis Gemenge kënnen esouvill wierken, esouvill bewierken!

  • Zum Beispill am Naturschutz. Well Naturschutz ass virun allem Mënscheschutz. Mee eis Natur ass och eng Ressource. Si ass zum Beispill en Atout fir den Tourismus. An si ass e Wuelfill- a Gesondheetsfaktor.
  • Zum Beispill Wa mer als Gemeng doranner ambitiéis sinn, huet dat positiv Repercussiounen op déi lokal Économie an op déi kommunal Finanzen. All Energie, déi mer net verbrauchen, all Energie, déi mer selwer nohalteg produzéieren – wa méiglech nach an enger Matbiergerkooperative – ass e Gewënn, grad esou fir eis Communautéit wéi fir eise Planéit.

Gréng Kolleginnen a Kollegen,

D’ Gemeng als eis klengst territorial Unitéit ass “par définition” no bei de Leit. Ëmsou méi wichteg ass et, datt d’ Stad- oder Gemengenentwécklung am Sënn vun de Mënsche geschitt. An de meeschte Gemengen ass et um nächste Schäfferot fir den neien Allgemenge Bebauungsplang – de PAG – färdeg ze maachen an ëmzesetzen. Dee bitt d’ Chance, duerch en intelligent Plange, Wunne, Schaffen, Besuergungen a Fräizäit méi no beieneen ze réckelen. Dat bréngt fir d’ Mobilitéit – virun allem déi zu Fouss a mam Vëlo, awer och fir déi mat den ëffentlechen Transportmëttel – nei Méiglechkeeten. A méi Liewensqualitéit fir all d’ Awunner. Hei wierken déi gréng national a lokal Konzepter zesummen a se bewierken eng kohärent Politik am Interessi vun de Leit.

Bei der heiteger Situatioun um Wunnengsmaart ass et och un der Gemeng aktiv ze ginn. Well Wunnen e Mënscherecht ass, muss d’ Gemeng derfir suergen, datt jiddereen ugemiesse wunnt: d’ Famill mat nidderegem Akommes, de Flüchtling, d’ Leit am Alter, d’ Studenten. An der Wunnengsbaupolitik ass eng Gemeng da performant, wann se e Mix vun de verschiddensten Instrumenter asetzt, déi ënnerschiddlechst – och innovativ – Wunnforme promovéiert a selbstverständlech klimaschützend a ressourceschounend virgeet.

Ech erlabe mer hei eng Klamer opzemaachen.

Ech wollt jo eigentlech nëmmen iwwer Gemengepolitik schwëtzen, mee d’ Diskussioun vun den zwou leschte Wochen iwwer d’ Logementspolitik verlaangt, datt ech de grénge Standpunkt kloermaachen.

Déi gréng Positioun baséiert net op nervöser Waltaktik, mee op enger onopgereegter Analys um Fong. Eis Vuë sinn net ideologesch festgefuer, mee dorop aus, d’ Wunnengsbau-Kar mat konkrete Moossnamen aus dem Dreck ze zéien. De parteipolitesche Klengkrich féiert hei net weider. D’ rhetorescht Muskelspill mat den Extremen Enteegenung op där enger Säit a Maartliberalismus op där anerer Säit bréngt guer näischt. An d’ Gejéimers vun der gréisster Oppositiounspartei ass just lächerlech.

De Roberto Traversini hei zu Déifferdeng an den Henri Kox zu Réimech – déi béid herno nach selwer schwätzen – weise, wéi gréng Politik och am Wunnengsbau wierkt. Mee si sinn natierlech net déi eenzeg! An alle grénge Gemenge geschitt eppes, sief et a punkto Sozialwunnengen oder bei der Ënnerstëtzung vun neie Wunnformen.

Wann et och bei ville Gemengen un de personellen a finanzielle Ressource hapert, feelt et virun allem deene meeschten net-grénge Gemengeresponsabelen um politesche Courage. Well eigentlech hunn d’ Gemengen all d’ gesetzlech Instrumenter fir aktiv ze ginn. Et muss ee just wëllen an d’ Recht op bezuelbart Wunnen zur gemengepolitescher Prioritéit maachen.

Ech ginn Iech e Beispill.

Ech hunn als gréngen Oppositiouns-Gemengeconseiller gefrot, wéi et bei eis zu Jonglënster steet. D’ Gemengeservicer hunn déi eidel Wunnengen opgelëscht an och d’ Bauplazen am Bauperimeter fir déi de Buurgermeeschter kéint direkt eng Baugenehmegung ginn, mat der Zuel vun den Haiser a Wunnéngen déi do zimlech séier kéinten entstoen:

Iwwer 200 Wunnengen, Wunnraum fir ronn 500 Leit, an dat op 7.500 Awunner!

All Gemeng ass anescht, an dofir kann een dës Zuel elo net einfach op d’ ganzt Land héichrechnen; heibäi kéim een ëmmerhin op  ronn 40.000 Leit, déi ee relativ séier an ouni Perimetererweiderung  ënner Daach kéint kréien. Mee dësen Exercice, dës lokal Bestandsopnahm ass trotzdem e wäertvollen a wierksame Punkt fir unzesetzen.

An dann hu mer nach guer net vum Potenzial geschwat deen an den neie Wunnforme stécht. Well verännert gesellschaftlech Realitéite maachen nei Wunnformen néideg. Ech denken hei zum Beispill u Wunngemeinschaften, un intergenerationellt Wunnen, u Wunnengsbaukooperativen an et gëtt nach etlech aner Pisten, och déi jonk gréng schaffen dorunner.

Léif gréng Spëtzekandidatinnen a -kandidaten,

Schreift an Äre lokale Walprogramm, wéi Dir wëllt un d’ Wunnengsnout erugoen: mat liichtem Drock a ganz vill Ënnerstëtzung. Weist mam Fanger op de Problem an huelt dann d’ Leit mat der Hand!

Weist de Propriétairë, wéi se zum Beispill un d’ Agence Immobilière Sociale verloune kënnen, domat alle Suergen enthuewe sinn, e Loyer erakréien, dorop Steiere spueren a virun allem … enger Famill en Ënnerdaach ginn.

A setzt de Logement bei méigleche Koalitiounsgespréicher ganz uewen op den Agenda!

Léif Frënn,

An eiser Gemeng liewe mer all zesummen. A fir datt et och wierklech “eis” Gemeng ass, mussen déi politesch Verantwortlech déi grouss Diversitéit vun de Mënschen uechten, awer och gläichzäiteg aktiv d’ Leit zesummeféieren.

Dat geet, andeems mer déi Schwaach opsiche ginn, ënnerstëtzen an abannen.

Dat geet, andeems all Offeren opp an accessibel si fir all d’ Matbierger.

Dat geet, andeems d’ Gemengeservicer proaktiv virginn an och déi modern Technologien asetzen fir de Leit d’ Liewe méi einfach ze maachen.

Ech wëll hei kee Grupp vu Leit speziell ervirhiewen, well ëm all d’ Leit muss eis Gemeng sech t’ selwecht gutt këmmeren.

An awer ech hunn e spezielle Gedanke fir déi Jéngst. Si, déi nach am Léiere sinn, mussen d’ Méiglechkeet hunn, an enger optimaler Kannerbetreiung hir sproochlech a sozial Kompetenzen z’ entwéckelen. Dëst stäipt den Elteren de Réck a mécht all eenzelt Kand staark fir d’ Erausfuerderunge vun haut a vu muer.

Ech denken awer och un déi ganz vulnérabel. Ech denken u Famillen, déi virun engem barbaresche Krich an dem sécheren Doud geflücht sinn. Fir si muss déi ganz kommunal Gemeinschaft sech mobiliséieren.

All Eenzelen an all Quartier, all Schoul an all Maison-Relais, all Club an all Gemengeservice musse mat klenge Gesten an einfachen Initiativen déi nei Matbewunner an eiser Mëtt ophuelen. All Dag zesumme léiere, schaffen, schwätze, feieren, dat ass lieweg Solidaritéit. All Dag matenee liewen, dat ass richteg Integratioun. Déi verantwortlech Politiker an der Gemeng mussen dat do uleieren, fuerderen an ënnerstëtzen, mat Material, mat Sue, mat Leit, mam gudde Virbild.

Léif gréng Kolleginnen a Kollegen,

D’ Zukunft vun eiser Gemeng kann een net gestalten, déi lokal a regional Erausfuerderunge kann een net meeschteren, d’ Bedierfnisser vun den Awunner vu muer kann een net berücksichtege, wann ee mat Rezepter vu gëscht a Prozedure vu virgëscht schafft.

Dofir mussen d’ Stad vu muer, d’ Gemeng vu muer, op si fir Verännerungen, déi vun ënne kommen, jo si muss se carrément erausfuerdere. Déi Transitiounen déi d’ Biergerinnen a Bierger ureege muss eng Gemeng opgräifen an ënnerstëtzen.

Gemengepolitik ass nämlech vill méi wéi all 6 Joer wiele goen. Gemengepolitik gëtt dagdeeglech tëscht de Leit gelieft. Gréng Gemengepolitik fördert dat Zesummeliewen am Respekt vum Mënsch a vu senger Ëmwelt.

Dofir wëlle gréng Kandidatinnen a Kandidaten als Gemengeréit, Schäffen a Buergermeeschter Verantwortung an der Gemeng iwwerhuelen an doduerch den Ënnerscheed maachen a Verännerunge bewierken.

Ech hunn et Uganks scho gesot: och an der Oppositioun bewege mir Gréng net näischt, mee an der Majoritéit ass de Bilan dach e ganz aneren.

Kolleginnen a Kollegen,

Mat eise grénge Regierungsmembere maache mir jo grad d’ Erfahrung, datt een an 5 Joer Regierung méi ëmsetze kann wéi an 30 Joer Oppositioun. D’ Erklärung ass einfach: well gréng wierkt!

Och eis gréng Buergermeeschteren a Schäffen hu festgestallt, datt een a 6 Joer Schäfferot enorm vill fir seng Matbierger leeschte kann. Well gréng wierkt!

Den Asaz fir d’ Mënsche motivéiert, mécht Freed a bréngt siichtbar Resultater.

Dofir engagéiere mir eis. Well gréng wierkt!

 

Gréng wierkt !

Dat ass de Motto ënnert deem mir dëse Gemengewalkampf féieren.

E Slogan, dee grëffeg ass um Flyer, op der Affiche, am Radio an op de soziale Netzwierker.

E Slogan: kuerz, knackeg, liicht ze verstoen a riicht op de Punkt.

E Slogan, vollgepak mat gréngem Selbstvertrauen.

Virun allem e Slogan, deen eisen Asaz an eis Motivatioun – all zesumme wéi mer hei sinn – excellent resüméiert.

Mir sinn iwwerzeegt, datt iwwerall do wou mer an der Verantwortung sinn – Gemeng an och Regierung – déi gréng Rezepter a Léisunge gewierkt hunn, datt mir Gréng bis ewell villes bewierkt hunn. Jidderee ka sech dovunner iwwerzeegen an och inspiréieren, wa mer gläich e puer vun de villen innovative Projeten, déi eis Mandatären bis ewell ëmgesat hunn, vun hinne virgestallt kréien.

Eise Walprogramm ass voll mat gutt iwwerluechte Konzepter aus alle Beräicher a bitt Honnerte konkret Virschléi, déi mer mat de Wielerinnen a Wieler diskutéiere wëllen. Dofir si mer iwwerzeegt datt och do, wou mer aus der Oppositioun eraus oder fir t’ éischte Kéier untrieden, gréng wierke wärt.

Et ass elo un Iech, Männer a Fraen aus der Mëtt vun der Gesellschaft, engagéiert Kandidatinnen a Kandidaten, an de ronn 20 Woche bis zum 8. Oktober Är Matbierger z’ iwwerzeegen, datt gréng wierkt.


Catégories: gréng Blogs

Europa muss sich nun sozial engagieren

Christian Kmiotek - 10 Avril 2017

Was vor einem Jahr noch niemand für möglich gehalten hätte, wird ab dieser Woche (*) Realität: der BREXIT. Und das ausgerechnet zum 60. Jahrestag der Unterzeichnung der Römischen Verträge.  Der BREXIT zeigt exemplarisch, wie unverantwortliche Politiker auf populistischer Grundlage simplistische Antworten auf komplexe Probleme geben. Um kurzfristige innenpolitische Turbulenzen zu umschiffen oder zu nutzen werden langfristige Werte, gemeinsame Ziele und  internationale  Kooperationen über Bord geworfen.

Source: Creative Commons

Die Ellenbogenmentalität, das Kurzfristdenken und der Egozentrismus welche uns die neoliberale Wirtschaftsordnung bescherten, werden nun vermehrt auf die politische Ebene übertragen. Die Europäische Union und ihre Mitgliedsstaaten sind daran mitschuldig, weil bei der EU die Ökonomie an erster Stelle steht, auf Kosten der sozialen Dimension. Viele Bürger haben das Gefühl, Europa sei bloss ein wirtschaftslobbyistisch gesteuerter technokratischer Kropf, ohne Herz und Verstand für ihre Nöte und Bedürfnisse. Kein Wunder, dass daraus Europamüdigkeit erwächst, die dann von Nationalisten instrumentalisiert und verstärkt werden kann.

Am 15. Oktober 2016 demonstrieren europäische grüne Politiker u.a. aus England, Schottland, Wales, Nordirland und der Republik Irland an der „grünen Grenze“ zwischen Nordirland & Republik Irland gegen einen harten Brexit und für die Freizügigkeit der Menschen. Es schwingt auch die Angst vor einem Wiederaufflammen des nordirischen Konflikts mit.

Vor 60 Jahren war das Narrativ des gemeinsamen Europas eines von Frieden und Wohlstand. Alle hatten Krieg erlebt und die Ost-West-Konfrontation unterstützte den Wunsch nach Aussöhnung und friedlichem Miteinander. Über 75 Jahre Frieden sind eine Einlösung dieses europäischen Versprechens. Beim Wohlstand für alle hat die Union aber versagt, wie viele Menschen im Süden und Osten täglich leidvoll erfahren. Aber auch viele Bürger der nördlicheren und zentraleren Regionen sehen sich abgehängt. Sie leben in Arbeitslosigkeit und in oder hart an der Armut. Sie erleben, dass sie wirtschaftliche und soziale Abgehängte der Globalisierung sind. Binnenmarkt und deregulierter Welthandel haben die Gesellschaften gepalten in Gewinner und Verlierer.

Europa braucht ein neues Ziel, jenseits von internationalem Handel. Europa muss sich nun stark sozial engagieren um nicht zu scheitern. Denn in allen Staaten versuchen Nationalisten, die Verlierer auf ihre Seite zu ziehen. Doch es gibt auch starke Gegenbewegungen. Die aus der Zivilgesellschaft entstehenden supranationalen „Pulse of Europe“-Aktionen zeigen, dass es viele Menschen gibt, die sich für die gemeinsamen Werte und die europäischen Errungenschaften einsetzen, wie etwa den Euro oder die Reisefreiheit. Der Erfolg der Kolleginnen und Kollegen von „GroenLinks“ bei den niederländischen Parlamentswahlen, mit ihrem Anstieg von 4 auf 14 Sitze zeigt, dass es möglich ist mit harter Kante den Nationalisten Paroli zu bieten. Die holländischen Grünen sind konsequent für Europa eingetreten, ohne Schönfärberei, und sie haben sich für Solidarität stark gemacht.

Es lohnt sich, sich für das gemeinsame europäische Projekt zu engagieren, das einmal eine „success story“ war. Die Europäische Union ist – auch weil sie demokratische Werte verteidigt – ein geopolitisches Gewicht. Sie ist wirtschaftlich eine Weltmacht. Sie braucht nun dringend einen dritten Pfeiler, ohne den das ganze Konstrukt zusammenbrechen wird: die soziale Dimension. Nur massive Investitionen zugunsten abgehängter Menschen und Regionen verhindern sowohl menschliches Leid als auch die Nationalismen die Europa niederreissen.  Wahrscheinlich ist hierbei ein Europa der verschiedenen Geschwindigkeiten der gangbarste Weg. Nichts verhindert, dass zu jedem späteren Zeitpunkt jene Länder wieder dazu stossen, die nicht von Anfang an willens waren, sich sozial zu engagieren.

* (Erstpublikation Text in „Lëtzebuerger Land“ 31.03.2016)


Catégories: gréng Blogs

Am Asaz fir Europa

Christian Kmiotek - 04 Avril 2017

Dräi europäësch Evenementer hunn eis als gréng Parteipräsidenten an enger eenzeger Woch markéiert : 60 Joër Verträg vu Roum, de BREXIT an de Kongress vun den Europäësche Gréngen mat de Global Greens zu Liverpool. E Gespréich tëscht Françoise Folmer a Christian Kmiotek.

Christian KMIOTEK: Françoise, déi gréng waren dëse Weekend um Kongress vun den Europäësche Gréngen zu Liverpool, wat waren hir Andréck?

Françoise FOLMER: Et war scho speziell, grad zu deem Ament wou d’Kinnekräich säin Austrëtt aus der EU lancéiert huet, an England mat Honnerten iwwerzeegten Europäer zesummen ze sinn. An de BREXIT kënnt och nach zur selwechter Zäit, wou mer eigentlech mat Freed de 60. Anniversaire vun der Unioun feiere sollten, déi eisem Kontinent Fortschrëtt a Fridde bruecht huet. Oder, Christian?

Christian KMIOTEK: Richteg! Woubäi déi gréng Bewegung an Europa – och a Schottland, Nordirland, England a Wales – konsequent pro-europäësch ass. Mir gréng si nämlech iwwerzeegt, datt de sture Nationalismus keen ee Problem aus der Welt schaaft, mee am Géigendeel duurch séng scheinbar einfach „Léisungen“, d’Mënschen an d’Länner auserneen dividéiert.

Françoise FOLMER: Mir sinn eis bewosst, datt d’EU aktuell net punkte kann, well d’Leit fannen, datt Europa nëmmen nach no ökonomësche Kritäre regéiert gëtt. An dorënner leide ganz vill Mënschen; a Südeuropa, an Osteuropa, mee och an eise Nopëschlänner, wou  Aarbechtsplazen a Sozialleeschtungen ofgebaut ginn.

Christian KMIOTEK: Genee. Et mécht awer elo kee Sënn dowéinst och déi gutt Saache vun der europäëscher Eenegung ofzeschafen, wéi zum Beispill déi gemeinsam Währung oder d’Reesfräiheet. Mir gréng sinn der Meenung, datt niewt dëse positiven Errungenschaften, an niewt der wirtschaftlëcher Dimensioun vun der EU, onbedéngt e soziale Pilier bäikomme muss.

Françoise FOLMER: Absolut! En Europa, dat net nëmmen de Betriiber eppes bréngt mee och d’Mënschen ënnerstëtzt, ass déi beschte Garantie géint nationalistësch Egoismen. Konkret heescht dat, datt massiv muss investéiert ginn a benodeelegt Regiounen a Mënschen. Wann dobäi net jidfer Mëmbersland vun Ufank u matmaache wëll, da kënne mir gréng eis ganz gutt en Europa mat e puer Vitessë virstellen – sou wéi dat jo och scho beim Euro a beim Schenge-Raum de Fall ass.

Christian KMIOTEK: A grad dorëms beneiden eis jo vill Leit aus anere Géigende vun der Welt. Dëse Weekend zu Liverpool waren net nëmmen déi Europäësch Gréng beieneen, mir hunn eis och mat Gréngen aus der ganzer Welt ausgetosch. An d‘Leit vun den anere Kontinenter hu vill méi e positiven Androck vun der EU, wéi mir Europäer. Déi Gréng vun iwwerall ronderëm de Globus luewen zum Beispill Europa wéinst sénger progressiver Klimapolitik a wéinst séngen demokratësche Werter.

Françoise FOLMER: Dëse Luew mécht Mutt, fir sech nach weider fir Europa z’engagéieren.


Catégories: gréng Blogs

En français svp?

Claude Adam - 23 Mars 2017

Konferenz Méisproochegkeet um Aarbechtsmaart:
Dënsdeg, den 28. Mäerz um 19:00 Auer am Forum Da Vinci

Mir stelle fest, datt graff vereinfacht, zu Lëtzebuerg 100.000 Lëtzebuerger schaffen, 100.000 net-Lëtzebuerger Residenten an 200.000 Frontalieren. Datt ënnert deene Prämissen a ville Betriber wéineg Lëtzebuergesch geschwat gëtt, ass net verwonnerlech. An enger globaliséierter Welt ass dat och kaum ze änneren. Huele mer mol e Betrib ewéi d’Good Year, e Betrib dee mëttlerweil bal 70 Joer hei am Land ass. Do schaffen haut méi ewéi 3000 Leit, dat ass ee vun de gréisste Privatbetriber am Land. Ech weess net wéi eng Sproochen an der Produktioun geschwat ginn, ech weess awer, datt déi éischt offiziell Sprooch vun dësem Betrib weder Lëtzebuergesch nach Franséisch, mee Englesch ass. [1]

Bei der Gesellschaft Luxtram, déi den Tram bedreift, ass déi operationell Sprooch franséisch, sou datt d’Mataarbechter vu Luxtram dës Sprooch musse beherrschen. Si missten d’Regelen an d‘Sécherheetsprozedure vum Tram kënne verstoen an déi wieren eben op franséisch, esou de Minister.

Dat sinn zwee Beispiller déi weisen, datt mer eis Sprooch solle fërderen, mee näischt kënne forcéieren a vun uewen erof diktéieren.

Wat bedeit eng Promotioun vun der Lëtzebuerger Sprooch fir den Aarbechtsmaart ? Wat sinn déi eenzel Uspréch an deene verschiddene Wirtschaftssecteuren ? Wéi gesäit eng erfollegräich Sproochegestioun an der Entreprise aus ? Fir op dës a weider Froen anzegoen huet déi gréng Stëftung op eng Table ronde agelueden. Um Plateau sinn : De Fernand Fehlen, Chercheur an Auteur zu deem Sujet, a 5 Vertrieder vu grousse Betriber déi Responsabilitéit an de Ressources humaines droen. D’Moderatioun gëtt assuréiert vun der Journalistin Bérengère Beffort vum Lëtzebuerger Wort.

De Rendez-vous ass: Dënsdeg, den 28. Mäerz um 19 :00 Auer am Forum Da Vinci an der Stad.

[1] Extrait aus menger Chamberried am Kader vun der Strategie fir d’Promotioun vun der Lëtzebuerger Sprooch, den 15. März 2017

Catégories: gréng Blogs

Lëtzebuerg weider denken

Christian Kmiotek - 22 Mars 2017

vum Françoise Folmer a Christian Kmiotek

Op hirem Kongress Ufanks März huet déi gréng Partei mat hire Mëmberen a Gewielten zesummen eng konsequent an équilibréiert Politik fir Lëtzebuerg definéiert.

Ronderem Lëtzebuerg sinn zur Zeit um internationale Plang d’Erausfuerderunge grouss:

  • Fir de politësche Rietsruck a verschiddenen europäesche Länner an an den USA ze konteren, setzen déi gréng sech a fir Fräiheet, Rechtsstaatlechkeet an de Schutz vu Minoritéiten.
  • Brutal Konflikter an Aarmut am Noën Osten an an Afrika verdreiwen Honnertdausende vu Mënschen aus hirer Heemecht. déi gréng setze sech an fir dass déi Leit, déi virum Krich op Lëtzebuerg flüchten, hei fir sech an hir Familjen eng Zukunft kënne fannen.

Lëtzebuerg ass wéi seng europäesch Partner direkt betraff vun all deenen Entwécklungen, déi deelweis fir staark politesch Turbulenzen op der Weltbühn suergen. An dësen Zäiten brengt et awer näischt, fir mam Fanger op Anerer ze weisen, fir sech anzemaueren a fir ganz Mënschegruppen auszegrenzen. Lëtzebuerg as beispillhaft fir e friddlecht Zesummeliewe vu Mënsche mat alle méigleche kulturellen Hannergrënn. Lëtzebuerg weist all Dag, dass et ouni Mauere geet, an dass Diversitéit eng Beräicherung a keng Bedrohung ass. Fir dass dat och weider esou bleiwt, machen déi gréng eng Politik, déi Solidaritéit grouss schreiwt, an déi Lëtzebuerg an Europa stärkt a méi no zesumme réckele léisst.

Déi gréng Partei wäert weiderhin d’Visioun héichhalen vun enger oppener a gerechter Gesellschaft, déi e besonnëche Wärt op Ecologie an Emwelt leet. Eis Politik suergt fir eng besser Liewensqualitéit fir Jidfereen an ass dropp aus, fir alle Kanner eng besser Welt ze hannerloossen.

Duurch eis Aarbecht vun den leschte Joëren erreechen a mobiliséiere gréng Iddiën ëmmer méi Mënschen. Leider happert et awer nach oft un der Ëmsetzung. Dat as novollzéibar, well gréng Iddië ville Mënschen zwar logësch virkommen, mee se sinn net mat simplistesche Parolen ëmzesetzen. déi gréng stellen awer fest, dass och haut schonn en Ëmdenken a breeden Deeler vun der Bevölkerung amgaang ass, well ëmmer méi Leit hier Liewensqualitéit net méi eleng duurch materielle Konsum definéieren. Hei si vill Initiativen a „grénge“ Gemenge richtungsweisend, grad esou wéi d’Vierliewe vun neie Gesellschaftsmodeller am Kader vun der Transitiounsbewegung, an där vill vunn de grénge Mëmberen a Sympathisante sech engagéieren.

Als Gréng wësse mir awer och, dass Strategië fir Lëtzebuerg nëmme kënne Friichten droë, wann se op enger gréisstméiglecher Zoustëmmung bei de Biirger foussen. Well mir ëmmer probéieren, Jidferee mat an d’Boot ze huelen, brénge mir et ëmmer erëm färdeg, fir och op schwieregen Themen e Konsens ze fannen. Déi aktuell Regierung mat grénger Bedeelegung huet grouss Effortë gemach fir esou vill wéi méiglech gesellschaftlech Akteuren an hir gesetzgeberesch Aarbecht mat anzebezéien. Ee Beispill vun dëser Virgehensweis sinn dem François Bausch séng intensiv Konsultatiounen am Kader vun der Landesplanung a vun der Mobilitéit. Een anert dee breede politesche Konsens deen de Felix Braz ronderëm dat neit Nationalitéitegesetz erreecht huet.

An dësem Gemengewahljoër ënnerstëtzen déi gréng Ministeren an Deputéiert  d’Lokalsektiounen tatkräfteg doduerch, dass si a méi wéi 30 Versammlungen uechter d’Land an d’Gemenge kommen. All interesséiert Bierger sinn invitéiert, fir bei dëse Geleeënheete mat de grénge Gewielten a Militanten diskutéieren ze kommen.

Françoise Folmer a Christian Kmiotek


Catégories: gréng Blogs

Iwwer d’Buere vu ganz décke politësche Brieder, Demokratien am populistësche Stresstest a gréng Lëtzebuerger Aussepolitik

Christian Kmiotek - 15 Mars 2017
Méng Ried um grénge Kongress vum 11. März 2017

Léif gréng Kolleginnen a Kollegen,

Mir alleguer mussen de „jonke gréngen“ e grouse Merci soën, fir déi Resolutioun, déi sie um Kongress 2016 erabruecht haten iwwer TTIP a CETA. Hir Initiativ vu virun engem Joër huet net nëmmen zu enger grondsätzlecher Resolutioun gefouert, wéi aus grénger Siicht den internationalen Handel misst funktionnéieren, a watfirenge Standarden e misst ënnerworf sinn. D’Initiativ vun de jonke gréngen huet iwwer dat ganz lescht Joër eng Rei Saache bewierkt, déi typesch gréng sinn, an déi eiser Partei gutt zu Gesiicht stinn.

En Aarbechtsgrupp CETA: oppe fir jidfer Parteimëmber a ganz fläisseg

Den Aarbechtsgrupp, deen de Kongress vun 2016 agesat hat – an deen nach ëmmer besteet – weist exemplarësch, wéi eis Partei basisdemokratësch funktionéiert. Well jidfer Mëmber konnt sech aschreiwen a bis zu 30 Leit hu regelmässeg un den am Ganzen 8 Sëtzungen deelgeholl. Zesumme mam Catia Fernandes hunn ech de Groupe de Travail CETA/TTIP presidéiert an dat war net zu all Moment einfach fir eis, wëll de Sujet war a bleiwt héich emotionell, mee mir kënnen houfrech sinn, datt an eiser Partei de géigesäitege Respekt net nëmmen e Wuert mee eng geliefte Realitéit ass.

An enger éischter Phase huet den Aarbechtsgrupp sech informéiert: duurch d’Analyse vu relevante Rapporten, an 2 Sëtzunge mat internationalen Experte plus an enger 3. mam Ausseminister Jean Asselborn. Dat war wichteg, fir net nëmmen aus dem Bauch eraus ze debattéieren, mee „en connaissance de cause“  a mat dem néidegen Hannergrondwëssen kënnen ofzeweien an Argumenter z’entwéckelen.

„Die Politik bedeutet ein starkes langsames Bohren von harten Brettern mit Leidenschaft und Augenmaß zugleich“ (Max Weber)

Den Aarbechtsgrupp hat awer nach en 2., extrem wichtege Volet. Zesumme mat eise Regierungsmëmberen, mat eisen nationalen an dem Europa-Deputéierten a mat deenen hire Mataarbechterinnen a Mataarbechter hu mir regelmässeg de Point gemeet iwwer d’Entwécklungen am Dossier CETA, an deem et jo heiandsdo vu Woch zu Woch, mat Momenter vu Stonn zu Stonn Neiegkeeten a Revirementer goufen. Dëse stännegen Austausch huet opgewise, wéi all Niveaue vun der Partei am Dossier CETA am Intérêt vun der grénger Cause aktiv woren: d’Militanten déi mat villen anere besuergte Biergerinnen a Bierger op d’Strooss goungen; d’Ministeren, déi intensiv hannert de Regierungskulissen agéiert hunn; d’Parteipräsidenten, déi vill an de Medie präsent woren; de CEX, deen eng gemeinsam Sëtzung mam Aarbechtsgrupp hat; de Bréisseler Relais iwwer den Europadeputéierten a séng Mataarbechter, d‘Chamberfraktioun, déi an der Koalitioun e Maximum u grénge Positioune konnt duurchsetzen an de Parteirot, mat potenziell alle Parteimëmberen, deen och agebonne gouf.

Ech krut vun enger Rei Mëmbere vum Aarbechtsgrupp positive Feedback iwwer d’Schaffen am CETA-Aarbechtsgrupp, dee permanent d‘Ziel hat, eng gemeinsam a realistësch gréng Positioun ze formuléieren. Den Aarbechtsgrupp huet eis all awer och gewisen, datt seriö Politik wéineg ze dinn huet mat einfach nëmmen an all Micro braddelen, well reell Fortschrëtter goufe vun eise grénge Mandatären a mühseleger Iwwerzeegungsaarbecht färdeg bruecht. Oder wéi e Mëmber vum Aarbechtsgrupp et op de Punkt bruecht huet: „Dat do war nawell eng gellech Lektioun a Saache Politik!“.

International Handelsrelatioune mussen ëmmer dem Interessi vum Mënsch ënnergeuerdnet bleiwen

Ech denken, datt déi Resolutioun, déi d’Catia dem Kongress am Numm vum Arbechtsgrupp CETA/TTIP präsentéiert huet, e suergsam austaréierten Text ass, deen alle Sensibilitéite Rechnung dréit. Ech bieden Iech, de Propose vum CEX zu den Amendements Rechnung ze droën, an dono déi ganz Resolution z’acceptéieren. Ech sinn nämlech iwwerzeegt, datt dës „Resolutioun iwwer den internationalen Handel op enger fairer Basis“ e wichtegt Grondsazdokument ass, dat eis an eiser grénger Aarbecht och nach an Zukunft begleet.

Léif Kolleginnen a Kollegen,

Grad an der heiteger internationaler Konstellatioun mat hiren onbekannten Entwécklungen ass et sënnvoll, sech kloër ze positionéieren. Dat maache mir mat dëser Resolutioun iwwer international Handelsrelatiounen, déi ëmmer dem Interessi vum Mënsch mussen ënnergeuerdnet bleiwen. Erlaabt mer, e puer weider Remarken zur Aussepolitik, déi –  wéi mer all Dag matkréien –  en ëmmer méi groussen Afloss op eist deeglecht Liewe kritt.

Dagdeeglech kritt Aussepolitik en ëmmer méi groussen Afloss op eist Liewen

Ech war am Hierscht op Invitatioun vun den europäësche Gréngen agelueden an e Workshop iwwer d’Konsequenze vum BREXIT a wéi mir als gréng Bewegung domat ëmgoë sollen. Ech hu vill geléiert aus den Témoignage vun de grénge Kolleginnen a Kollegen aus England, Schottland, Wales, Nordirland an der Republik Irland. Dee bewegendsten Ament wor allerdéngs, wéi mer all op der Grenz tëscht Irland an Nordirland stoungen, eng Grenz, déi eng gréng Grenz ass (e schéinen Ausdrock, gelldiirt), sou wéi mir all se kennen, wéi zum Beispill tëscht Esch an Audun-le-Tiche, tëscht Kënzeg a Messancy, tëscht Veianen a Roth an der Our. Just e Potto an de Stroosebelag dee wiesselt weisen op eng Grenz hin.

D’Angscht bei eisen Irëschen an nordirësche Frënn ass, datt en haarde BREXIT – an dono gesäit et jo leider aus – och zu enger haarder Grenz féiert. Mee grad an dëser Regioun sinn d’Wonne vum jorzengtelaange Biergerkrich nach net verheelt. Eng haard Land-Grenz mat dauernde Kontrollen tëscht der Republik Irland an Europa an dem United Kingdom ausserhalb vun Europa, fuerdert déi al Dämonen eraus. A wéi se mer sote, sinn nach ganz vill Waffen a Sprengstoff ënnert de Leit. Eng Perspektiv déi mech schudderen deet.

Maueren an de Käpp féieren zu reelle Maueren tëscht Länner a Mënschen

Eigentlech hate mer jo all geduecht, datt Grenzen a Maueren Relikter aus der Vergaangenheet wären. Mee leider féiere Maueren am Kapp och zu reelle Maueren tëscht Länner a Mënschen.

Mir Europäer mussen eis guer net den Amerikaner iwwerleeë fillen, well och mir bauen Zénk a Mauere géint Mënschen, déi viru brutalem Krich a batterer Aarmut fortlafen. Mënschen, déi hiert Liewe rette wëllen wéinst massive Problemer, déi d’Europäer an d’Nordamerikaner mat hirer Politik, mat hirer Economie an och mat hirer internationaler Handelspolitik matverschëllt hunn oder zumindest net aus der Welt geschaaft hunn.

Demokratien ënnerleien am Ament dem Stresstest vum Populismus

Kolleginnen a Kollegen,

D’Demokratien an allen Deeler vun der Welt ënnerleien aktuell engem Stresstest, dem Stresstest vum Populismus. Populisten applizéieren am Ament zimmlech erfollegräich dat albekannte Rezept:

  1. Etapp: „Maach aus den diffuse Suerge vun de Leit staark Ängschten!“ an dann
  1. Etapp: „Gëff simplistësch Äntwerten op komplex Problemer!”

BREXIT an „America First“, „alternativ Fakten“ a Beschneide vun den onofhängege Medien, Ofbau vun Demokratie a Klengholz maachen aus der Justiz sinn esou simplistësch a falsch Äntwerten op Problemer déi ganz anzwousch anëscht leien oder esou komplex sinn, datt een se op kee Fall an 140 Twitter-Zeeche faasse kann.

Verstoë, firwat Wieler de Ratefänkerten mat de simplistëschen Äntwerten op komplex Problemer nolafen

Et geet awer net duer, datt mer eis iwwer populistësch Politiker opreegen, mir musse verstoë firwat vill Wielerinnen a Wieler hinnen nolafen. Et kann ee jo awer gutt novollzéien, datt wa Leit ofgehaange sinn oder sech am Stéch gelooss fillen, datt se dann op politësch Ratefänger erafalen.  Wa Mënschen ganz laang ouni Schaff sinn, we se dauernd an oder no bei der Aarmut liewe mussen, wa se keng Perspektiv gesinn op Verbesserung, wa se sech während Jorzéngte vun den traditionelle Parteie lénks oder riets leie gelooss spiren, da wielen se iergendwann Wilders, Petry oder Le Pen.

Inklusioun ass déi beschte Medezin géint politësch Scharlatanerei

Ech si frou, datt mer hei zu Lëtzebuerg – am Géigesaz zu villen aneren europäësche Länner – net blannemännches dem Mainstream vum ökonomësche Liberalismus nohechelen. De Lëtzebuerger Modell vum Sozialdialog – deen dës Regierung reaktivéiert huet – verhënnert datt hei am Land Mënschen ökonomësch a sozial an den Abseits geroden. An Inklusioun ass nun emol déi beschte Medezin géint politësch Scharlatanerei.

Léif gréng Kolleginnen a Kollegen,

Erlaabt mer zum Schluss nach e puer Wuert iwwer d‘Lëtzebuerger Aussepolitik. Eisen Ausseminister hëlt jo kee Blat virun de Mond a kritiséiert a klore Wierder europäësch Regierungen, déi probéieren d’Demokratie ausser Kraaft ze setzen.

D‘Lëtzebuerger Aussepolitik ass méi gréng ginn

Ofgesi vum Jean Asselborn séngem Ressort, stellen ech awer och fest, datt eis Aussepolitik an de leschte Joëre vill méi gréng ginn ass. Niewt dem Paräiser Klimaacoord an den Nofollegaarbechten derzou, hu mir matgehollëf d’Naturschutzregelen an der EU ze retten an den Handel mat CO2-Zertifikatën méi effektiv ze maachen. A Lëtzebuerg traut sech géint d’Atomlobby ze kloën! Och dat gehéiert ewell zur Lëtzebuerger Aussepolitik.

Dëst an d’Resolutioun iwwer CETA weisen, datt Aussepolitik, wa se da da gréng ass, net nëmmen ekonomësch Interessiën an de Mëttelpunkt stellt, mee ganz kloër Mënsch, Ëmwelt a global Gerechtegkeet.


Catégories: gréng Blogs

Firwat ech zwar mam Françoise Folmer keng Pärd stiele kann, awer mer eis als Präsidenten-Tandem vunn déi gréng optimal ergänzen

Christian Kmiotek - 14 Mars 2017

Léif gréng Kolleginnen a Kollegen,

Ech leeën Iech elo duer, firwat ech mir wënschen, nach weider 2 Joër mam Françoise Folmer zesummen d’Co-Présidence vun eiser Partei z’assuméieren an z’assuréieren. Eischtens emol, well mir 2 mëttlerweil en agespilltent Team sinn, dat déi lescht 2 Joër super gudd zesumme funktionnéiert huet, wann net esouguer harmonéiert.

Dat huet sécherlech dermatt ze dinn, datt mir e gemeinsame Pêché mignon hunn: mir iesse gären e gudde Maufel, och wann d’Françoise dobäi e rassege Chardonnay drénkt an ech léiwer en eelere Rouden. Mir 2 widderleeën domat op alle Fall déi falsch Iddi, all Gréng géife just Käre friessen a sech vu Krunnewaasser ernieren. Ganz am Géigendeel: mir engagéieren eis an der grénger Bewegung, fir datt mir – an all déi aner Leit och – och nach an Zukunft eng gutt Liewensqualitéit genéisse kënnen.

Apropos gréng: méi gréng wéi d’Françoise geess de schwéier sichen. Well am déiwe Wanter an aller Herrgottsfréi opzestoën, fir da vu Pëntsch – fir de Camille : dat läit irgendwou nach wäit, ganz wäit hannert der Pampa –, also vu Pëntsch mat Zuch a Bus pënktlech – bon, Fränz : d’Bunn ass net ëmmer esou à l’heure, do hues de nach Aarbecht – , also mol méi, mol manner  pënktlech um 8 Auer mueres an der Stad unzetriede, fir mat eise Regierungsmëmberen an eiser Fraktiounscheffin de Regierungsrot virzebereeden, dofir muss de souvill Motivatioun matbrénge wéi d’Françoise.

Dono ass d’Françoise dann a séngem Architekteberuff ënnerwee, entweder mat séngem eegenen Elekromobil oder mam Car’loh (Merci deene Gréngen aus dem Stater Schäfferot !).

Ech hu mer d’Fro gestallt, op ee mam Françoise kéint Pärd stielen. Ech hunn déi Iddi séier verworf, well am Géigesaz zum d’Françoise reiden ech net; d’Françoise huet selwer Pärd an engagéiert sech staark an der Reidtherapie. Hatt ass also souwuel e Mënsche- wéi en Déierefrënd. Wat ech allerdéngs an deenen 2 Joër Zesummenarbecht erausfonnt hunn ass, datt d’Françoise an ech eis gudd ergänzen : ech si jo heinandsdo sturazeg an impulsiv, d’Françoise ass méi poséiert, ka vill besser diplomatësch formuléiere a wéinst sénger Ausbildung als Médiatrice och vill besser vermëttelen.

D’Françoise huet sech an de leschten 2 Joër gutt ageschafft a bréngt eng dausendprozenteg Motivatioun mat. Ech wënsche mer, déi grouss Erausfuerderunge vun de Walen 2017 an 2018 zesummen als Präsidenten-Tandem mam Françoise ze meeschteren.

(Foto vum Sepp Pannrucker: Christian Goebel, Françoise Folmer a Christian Kmiotek um grénge Kongress vum 11.3.2017)
Catégories: gréng Blogs

gréng Blogs